اول فيلم لفارون كبطل لوحده ...
الناس قبل الفيلم اتقسمت اتنين .. نص كان متحمس للفيلم لانه اعجب بفارون ف فيلمه الاول والنص التانى كان متأكد ان الفيلم هيفشل لان مفيش بطل كبير ...
#القصة
شاب فاشل وصايع وكلمنجى مدوخ الناس كلها وراه بيسافر عشان يكمل تعليمه وف الجامعة بيحب بنت محجوزة لواحد مفترى وواحدة تانية هى عايزة تتجوزه بالعافية ..
القصة مش وحشة ولا قديمة بالعكس خفيفة ولذيذة كده
#الابطال :
فارون دهاوان : سرينات براساد "سينو "
أليانا ديكروز : سونينا
نرجس فخرى : عايشة
ارنوداى سينغ : انجد نيجى
انوبام خير : فيكرانت
راجبال ياديف : بيتر
#الاداء :
فارون : سكر بيمثل هو اللى شال الفيلم لوحده وهو سبب نجاحه بالكامل ثبت نفسه انه بطل بعد ما كان سيدارث مغطى عليه ف فيلمهم الاول ....
دور الشاب الصايع الناصح الاروبة ده كان لايق عليه اوووى وكان كان دمه خفيف وضحكنى كتير جدا وليه شوية مشاهد ف الفيلم مسخرة
اداءه كان عسووول خاالص يعنى ياخد 3/5 حلوو اوووى
أليانا : دورها كان كويس بس كان ناقص حاجة اداءها مش بقوة اداءها مع رانبير ف بارفى هى عملته ولايق عليها كويس لكن كانت ممكن تعمله احسن من كده
2.5 /5
نرجس : ياريتهم كانوا جابوا عروسة حلاوة تمثل بدالها شكل من بره بس
صحيح الدور كان لايق عليها بس اى واحدة تانية مكانها كان هيبقى احسن
دورها كان كويس لكن اداءها بالنسبالى ف روك ستار كان احسن من كده ...
هديها 1.5 /5
ارنوداى سينغ : انجد الواد ده كويس دور الظابط اللى عامل فيها برم وبيستخدم سلطته كان كويس وكان لايق عليه ..
نديله 2.5/5 برضه ان شاء الله محد حوش
انوبام خير و سورابا شوكلا : ابو عايشة و بالى الاتنين دول برضه اداءهم كان حلو جدا .. يعتبروا اصلا من الممثلين اللى بيقدموا الكوميديا بسهولة و كانوا نقطة ايجابية جدا ف الفيلم
مانوج بهاوا و سوبريا شوكلا : اب وام سينو ... الاتنين دورهم كان كويس .. الاب اللى عارف ابنه وفاهمه والام الطيبة .... بس دورهم مكنش كبير .. يعنى حسيت انهم تكملة كدا عشان الصورة تكمل وخلاص لكن كانوا حلووين اووى
راجبال ياديف : بيتر ... برضه دوره كان نقطة ايجابية ف الفيلم .... وكسر لحسة الغلاسة اللى ف انجاد دى
#التحليل :
- بداية الفيلم كانت حلوة ولطيفة هتخليك تكمله .... ولد فاشل الفصل كله نجح الا هو
هتفطس من الضحك على خطفه لبنت المدرس ..
وكلامه مع الاله بتاعه كان مسخرة
- نص الفيلم كده لما خلاص يخلص مشكلة سونينا.... هتسأل نفسك طب وبعدين.... دى حاجة برضه هتخليك تكمل
-مشاهد فارون مع بالى كانت حلوووة جداا
- الفيلم متصور ف بنجالور وبانكوك ولندن ...
- الاغانى فيه كانت لطيفة وتوزيعها كويس خصوصا انه فيلم لايت وكوميدى
- مشاهد حوارت فارون مع الالهه كانت لطيفة جدا
- مشاركة سلمان خان ف الفيلم كانت حاجة لطيفة منه اوعوا تكونوا ملاحظتوش ان هو صوت الالهه ده
- الراجل المدرس اللى ف اول الفيلم معرفش ليه اتلخبط بينه وبين انوبام خير حسيته شبهه كده ... ولمعلوماتكوا طلع اخوه
- السينايو بتاع الفيلم حلو .... صحيح مش قوى بس برضه مش وحش
- الفيلم من اخراج David Dhawan وده ابو فارون ويعتبر مخرج كبيرر جدا زماان وعمل افلام مهمة لكن الافلام اللى عملها ف الالفينات كانت فاشلة ودمرته كمخرج
#سلبيات :
- القبلات الكتير والفساتين اللى مفتوح فيها المناور دى:/
#البوم_الاغانى
- الالبوم من تأليف Sajid-Wajid وهما اربع اغانى ف الالبوم كله لكن احلى واحدة بالنسبالى كانت Galat baat hai song - main tera hero المزيكا بتاعتها كانت لطيفة غناها نيتى موهان وجافيد على
- وبرضه اغنية الديسكو Besharmi Ki Height مكنتش شايفالها لزمة بصراحة يمكن لو كانوا خلوها ف اخر الفيلم خالص كانت تبقى احسن :D
- التالتة كانت Palat - Tera Hero Idhar Hai غناها ارجيت سينغ :D واحلى ما فيها كان رقص فارون ^_^ :D
- والرابعة كانت اغنية Shanivaar Raati وبرضه غناها ارجيت بس مع Shalmali Kholgade وكانت حلوة برضه :D
*********************
- تقريبا ابطال الفيلم التلاتة كلهم اخدوا جوايز عن ادوارهم السنادى ف حفلة Life Ok Now Awards :D
-مش عارفة هتستغربوا ولا لاء :D بس كاتب قصة فيلم Main Tera Hero. 2014 هو نفسه كاتب قصة فيلم Ek Villain :D :D
- الفيلم فيلم حلو اللى مشافوش يشوفه :D
-بالنسبالى الفيلم كان لطيف ولذيذ بس مرة واحدة مشاهدة بس مقدرتش اشوفو اكتر من مرة :D
-- #غير_صالح_للمشاهدة_العائلية
هو مفيش حاجة يعنى ممكن تشوفه انت واصحابك لكن اهلك لاء .. هتتنفخ :D
- تقييمه ف الموقع العالمى IMDb 5.5 :D
وتقييمى انا ليه 2.8 /5 :D
كتابة
May El Sheikh
هذا النص فقط ، يعكس وجهه نظر كاتبه . ولا يعكس وجهه نظر المدونه او مؤلفيها ، مع تحيات مدونة تقارير بوليود
تحويل كودإخفاء محول الأكواد الإبتساماتإخفاء