العلاقات والخلافات بين شاروخان وسلمان خان ~ تقارير بوليود وأخبار النجوم

من محبة الى عداوه .. فما السر ..

الحقيقه الكامله وراء العداوه بين شاروخان وسلمان خان هى مش عداوة

اكتر منها سوء فهم بين صديق وصديقه ومقدروش يتصافو عشان كبرياؤهم او

الثقة اتكسرت العشم ضاع والصداقة راحت

من صداقة واخوه لا تلقيح بالكلام وتجاهل و مشاكل ملهاش اول من اخر

سلمان وشاروخان .. من اكتر الاسماء اللى ارتبطت بصداقه متينه ووثيقه جداً فى فتره من فترات بوليوود وقدمولنا افلام رائعه زى karan arjun وhum tumare hai sanam و kuch kuch hota hai

وكانوا مع بعض فى حفلة الفيلم فير سنة 98 وكان سلمان مترشح لافضل

ممثل عن فيلم pyar kya toh darna kya وشاروخان عن فيلم dil toh bagal

hai وشاروخان فاز بالجايزه وطلع معاه سلمان على المسرح واحتفلوا مع بعض

بمنتهى المحبه رغم ان المفروض انهم بينافسوا بعض لكن الروح

الرياضية والحب كان كبير وكانوا بيقولوا انهم زى الاخوات   لكن النفوس بتتغير

لكن دوام الحال من المحال .. وبدأت بينهم المشاكل بدخول ايشواريا راى مجال التمثيل .. طبعاً زى مانتوا عارفين القصه وان سلمان خان هو اللى عملها وهو اللى عرفها ع المخرجين وخلاها تشتغل ف الافلام المهمة و اختاروها لديفداس مع شاروخان والفيلم كان اسطورة والاعلام بدأ يتكلم عن الكيميا بين شاروخان وايشواريا وانهم منسجمين قدام الكاميرا جدا

والاشاعات زادت من بعد اغنية ايشك كامينا فى فيلم شاكتى بدأت بينهم

المشاكل وصاحب دة افلامها مع شاروخان .. ودة اشعل فتيل الغيره عند

سلمان وكانت شراره المشاكل بينهم .. وكان الخلاف دة فى 2002 الفترة

"فترة ديفداس و شالتى شالتى وكذا مشروع كان متحضر لشاروخان و ايشواريا "

الفترة دى اللى بتلمع فيها ايشواريا مع شاروخان كانت نفس الفترة اللى

ايشواريا بدأت تبعد فيها عن سلمان وتتهرب منه ومتردش عليه ... وسلمان

افتكر ان صاحبه واخوه خانه وان ايشواريا بتبعد عنه بسبب شاروخان لكن ده

كان سوء ظن وشاروخان مكنش ليه دعوة .. هى كانت واخدة سلمان كوبرى

عشان توصل ولما وصلت خلاص عايزة تخرج من تمثلية الحب اللى عملتها

.. ولكن .. ملقتش مخرج

بعدها تدخل سلمان فى تصوير فيلم شالتى شالتى .. وهو وايشواريا وقفوا

قصاد شاروخان ... وسلمان وشاروخان اتخانقوا بسببها وده خسر شاروخان فلوس بسبب التصوير اللى راح والحاجات اللى اتكسرت ده غير اهانته من الطرفين ولكن بعد كدة ايشواريا ادت الاتنين صابونه وبهدلتهم فى الاعلام .. وخلت سمعتهم ف التراب لان الاعلام كان معاها .. "كانت ذكية وحاسبة كل خطوة "

بس اللى محدش يعرفه ان تحديداً اليوم اللى خرجت فيه ايشواريا وشتمت

سلمان وشاروك كان يوم 27/9/2002 ودة كان اليوم اللى بيسبق الحادث

الكبير اللى عمله سلمان بعربيته يوم 28 سيبتمبر واصاب تلاته منهم واحد

مات .. ولو تفتكروا سلمان فى الوقت دة خرج بكفاله وكانت حالته النفسيه

صعبه جداً بسبب خيانه ايشواريا ليه والشاهد اللى شاف الحادثه دى قال ان

سلمان كان فى حالة صدمه عصبيه وسكر ..

و سلمان مقدرش يتقبل فكرة ان ايشواريا تسيبه وترميه بعد ما استفادت منه

وعايزة تلعب على صاحبه " هو كان متخيل كده "

ومن هنا دة كان المسمار الاول فى نعش العداوه بين شاروك وسلمان ..

بس الجرح بدأ يلم شوية والعلاقة تتحسن تحسن بطئ او ع الاقل مفيش

مشاكل قدام الناس وكل واحد من الاتنين زى البركان الخامد اللى مستنى

فرصة عشان يطلع ويجيب عاليها واطيها وده اللى حصل ف حفلة عيد ميلاد

كاترينا يوم 16 يوليو 2008 لما اطلق عليه عالمياً #بأعصار_كاترينا

وهى دى الحفلة اللى رانبير علق فيها كاترينا برضه و اللى عرفتهم على

بعض دبيكا " ما علينا انا حكيتلكم قبل كده "

بعد اللى حصل بين سلمان وايشواريا دخل سلمان خان فى علاقه جديده مع

كاترينا كيف .. بس هنتكلم فى الموضوع دة بعدين .. وفى عيد ميلادها ..

كان الكل متجمع وناقش سلمان خان شاروخان فى انه يظهر معاه ضيف شرف

فى فيلمه القادم main aur miss khanna .. ولكن شاروخان رفض .. طبعاً

سلمان اتضايق لانه لسه طالع معاه فى فيلمه الاخير وقتها اوم شانتى اوم ..

خلوا بالكم الظهورات دى بتبقى مجاملات بين الاصدقاء .. فسلمان اتضايق

وقاله انت بتكلم اصدقائك لما تحتاجهم وبعد كدة تسيبهم .. وخصوصا ان ظهر

معاه كمان فى برنامجه KBC ..

سلمان قاله انت غيران منى عشان برنامجك Kya Aap Paanchvi Paas Hai الجديد فاشل وبرنامجى داس كام دم انجح منه وانت عايزه يفشل

طبعاً شاروخان مسكتش راح جاب القديم على الجديد وبدأ يتكلم على

ايشواريا راى ... واتتريق عليها وعلى علاقة سلمان بيها .. وانها استفادت منه ورمته وسوءت سمعته وانها ضحكت عليه

وراح سلمان ضرب شاروخان بالبوكس فى وشه ..

المهم الاتنين كانوا سكرانين .. ومسكوا فى بعض .. وان اى حاجة قالوها كانت من تأثير الكحول .. راحت جورى وكاترينا كل واحده مسكت واحد وحجزوا بينهم

وغورى خدت شاروخان ومشيوا ... ومن هنا سُمى عيد ميلاد كاترينا بأعصار كاترينا ..

والفيديو اهو عشان محدش يشكك فينا :
https://www.youtube.com/watch?v=EhUvumpQEUE

طبعاً عامر بعدها حاول يتدخل ويصلح ولكن كان منحاز لسلمان لانه صاحبه ..

وبعدها عامر طلع فى برنامج وصرح وقال انه مسمى كلبه شاروخان وبيقعده

على رجله عشان يأكله العضم .. مجاملة لسلمان صديقه "من باب عدو صاحبى عدوى " .. ومن هنا كانت المشاكل بين عامر وشاروخان وهنتكلم عنها بعدين بردو ..

ودة الفيديو
https://www.youtube.com/watch?v=G0UtS7LTZto

لما سألوا سلمان بعد كده عن الخناقة قال انه مجرد سوء تفاهم بينهم وبين

بعض ..... مجرد سوء تفاهم وان شاروخان صح ف طريقة وانا صح ف طريقى

" لكن الطريق مش واحد " :/ :/ واتجنبوا بعض تماما :(

وحاولوا كتيرررر يصلحوا بينهم بس كان خلاص النفوس شالت والصداقة راحت

ف اعصار كاترينا :/

ولما طلع شاروخان مع كاران جوهر ف كوفى وز كاران قال : " انا مبعرفش اعمل

اصدقاء ووحيد وعارف انى بغلط بس المشكله انى مبعرفش اصلح اخطائى

وبتمنى يفهموا دة ويحسوا بيا لانى بحبهم :( "

ولكن دلوقتى الدنيا هديت وسلمان وشارو اتقابلوا مع بعض وسلموا على بعض

3 مرات مرة فى رمضان 2013 ورمضان 2014 وفى حفلة star guild awards و الحضن الشهير ^_^