تقرير عن سيدهارث مالهوترا
"وده غير اللى كنا منزلينه قبل كده اقروه هيعجبكم "
سيدهارث هو وسيم ... وسيم اوووى ومحبوب وموهوب جدا
بس فيه مننا برضه اللى شايفه بارد ومحظوظ
من الشباب اللى متوقع ليه مستقبل كبير كل الشهرة دى بس ع 3 افلام مش عارفة لما يزيدوا هيبقى ايه
افلامه معظمنا شافها وعارفها فهركز اكتر شوية على حياته الخاصة
ندخل عالتقرير بقى صلوا ع النبى
الاسم - سيدهارث سونيل مالهوترا
اتولد فى دلهى بتاريخ 16 يناير 1985 29 سنة ميبانش عليه
برج الجدى
بصوا امه من البنجاب وابوه من دلهى وهو اتولد ف جوغرات
اتولد فى عيلة عادية ومش عيلة فنية خالص
ودى حاجة كويسة يمكن هو الوحيد من الشباب اللى ملوش قرايب ف
بوليود اصلا
الاب هو سونيل مالهوترا موظف سابق فى البحرية التجارية الهندية
والام هى ريمى مالهوترا وهى ربة منزل
الديانة هندوسى
الطول 185 سم
الوزن 86 كيلو
الديانة هندوسى
درس فى مدرسة دون بوسكو فى دلهى ودرس برضه فى مدرسة البحرية الرسمية اتخرج من جامعة بهاجات سينج
كان بطل ف كتير من الرياضات
وبعد كدة اشتغل موديل وهو فى سن ال18 عشان فلوسها كتير
وكان ناجح فى مهنته
ولكن اعتزلها بعدها ب4 سنين لانه مكانش بيحب المهنة دى
وبعدها ركز عالتمثيل لانه كان بيحب المهنة دى ومهتم بيها
ودخل اختبارات التمثيل ووقع اول فيلم ليه مع المخرج انوبهاف سينها مخرج
Ra.One لكن فى الاخر الفيلم مكملش واتركن عالرف
بعد كدة اشتغل مساعد مخرج لكاران جوهر فى فيلم My Name Is Khan فى 2010
هو كان عايز يكون ممثل لكن صديق ليه قاله ف التكتك "زي مبؤلكوا كده "
انه وجوده ف اللوكيشن كمساعد مخرج ده هيساعده وهيعلمه كتير لو جتله
فرصه ودخل التمثيل وده اللى حصل لانه قال ان كل مشهد ف فيلم ماى نيم
از خان كان بيتعلم فيه حاجة جديدة من شاروخان وكاجول
اول يوم ف التصوير راح عشان يسلم ع شاروخان بعلبة بسكوت فأيده وعزم
عليه
وف اخر التصوير شاروخان كتبله اهداء على كتاب جيمس بوند
ودعا ليه ان يكون زى ما هو عايز ف بوليود
وانه كان بيتمنظر ع الناس بالكتاب ده ويقولهم شاروخان اداهولى
عارفين الشخص ف الافلام اللى بيخبط بالبتاعة عشان الممثلين يبدأوا تصوير
ويقول فيلم كذا مشهد كذا اهو سيد كان بيعمل كده
وبيقول كمان ان فرح خان كانت بتقول عليه الولد الوسيم ولما كان يتاخر او
يستعجل ف الشغل كان بتقول ف الميكرفون "حد يعلم الولد الوسيم ده امتى
يبدأ " 3 وهو كان يتكسف ويتلخبط 3
وبعد نزول فيلم ماى نيم از خان ب3 شهور طلبه كاران جوهر عشان اختبار
لدور ف فيلم وحضر هو للاختبار حوارات من فيلم ديوالى دولهانيا و كوتش
كتش هوتا هى
وبعد 3 اسابيع كلمه كاران جوهر وقاله انه هو اللى هيخرج الفيلم وسيدارث
مصدقش ومحدش كان مصدق اصلا ان كاران هيطلق نجوم اول مرة ويخرجلهم
هو الفيلم لان غالبا كاران مأخرجش ولا مرة من غير شاروخان بس كسر
القاعدة ف Stuent Of The Year
فى 2012 قام ببطولة فيلم لكاران جوهر Stuent Of The Year وشاركه فى
الفيلم فارون دهاوان وعليا بهات وكان الفيلم ناجح جدا وحقق ايرادات جيدة
وسيدهارث ونال اشادات واستحسان النقاد والجمهور عن الفيلم دة وتميز بانه
كان شخصية جدية جدا وكان بصراحة ليه بريستيج خاص كدة عن بقية
الابطال ومعظم الناس فضلوه عن فارون وسيدهارث اترشح للفيلم فير
لافضل ظهور لاول مرة ولكن مفازش بيها عشان كابتن ايوشمان اللى اخدها
عن فيلمه فيكى دونر
وغاب سنتين عن التمثيل ورجع فى 2014 بفيلمه Hasee Toh Phasee مع
بارنيتى تشوبرا والفيلم كان نجاحه كويس وحقق ايرادات جيدة ونال اشادات
عن دوره واتقانه لدور الرجل الطموح دة غير طبعا ان الفيلم واخد تقييم عالى
ولكن رايى الشخصى ان دوره كان فيه نوع من البرود والكيميا بينه وبين بارى
كانت حلوة بس برضه محتاجة حاجة اقوى من كده تبينها
وبعد كدة قام ببطولة فيلم Ek Villain مع شرادها كابور وريتيش ديشموخ
والفيلم حقق نجاح كبير ودخل نادى المئة كرور اخد تقييمات عالية وتقييمات
قليلة ولكن تاران ادارش افضل ناقد فى الهند اداله تقييم 4/5 ومعظمنا شاف
الفيلم فيه اللى عجبه جدا زى حالاتى وفيه اللى معجبهمش ووصفوه انه
فيلم كئيب والكيميا بينه وبين شرادها كانت كويسة لدرجة ان صور
الكواليس مكنتش فارقة كتير عن مشاهد الفيلم 3
ودلوقتى احنا منتظرينله افلام وهى -
النسخة البوليوودية من الفيلم الهوليوودى Warrior مع النجم اكشاى كومار
وده هينزل 2 اكتوبر 2015 يدينا ويديكوا طولة العمر ومن الاخبار المفرحة
اللى قالها ان دوره ف الفيلم مش رومانسى خاالص ودى حاجة كويسة
اهى جاكلين نفدت من القر والحسد
وفيلم الدرامى Bhavesh Joshi من اخراج فيكراماديتيا ماوتانى
ووافق على فيلم مع كاترينا كيف بس لسه مش معروف اسمه
ومترشح لدور قصاد كارينا برضه 3 3
ممثله المفضل شاروخان والممثلة المفضلة كاجول وكارينا
اللون المفضل الازرق
شخص مش نباتى بالمرة وكمان محب جدا للحلويات والاكل البيتى وبيحب جولاب جامون وحلوى اللادو
بيقولوا انه كان بياخد اكل بيتى معاه ف التصوير
بيحب اخوه الصغير جدا ومتعلق بية اوى ومرة سيدارث كان بيتغدى وكان بيحلى بعد الاكل ف اخوه كان عمال يتشاقى فدلق الاكل الحلو ع الحادق ف سيدهارت اكلة كدة 3 ومن يومها بيحط الحاجتين دول مع بعض عشان بيفكرو بشقاوة اخوه
يعتبر كائن محب للشيكولاتة وهو صعير كان بيطلب فلوس من والدته وجدته للدراسة كتب يعنى وكده ويروح يشترى بيهم شيكولاتة 3
ابوه كان نفسه يطلع مهندس بس هو طلع ممثل
مثل وهو عنده 16 سنة ف مسلسل تليفزيونى كطفل
التدخين والشرب مش من عاداته لانه شخص رياضى بس يعنى اوقات نادره شافوه بيشرب فيها
وصحيح عايزة اقول حاجة ملوش اى علاقة قرابة بين مانيش مالهوترا لا من بعيد ولا من قريب
عنده كلب اسمه اوسكار ^_^
بالنسبة للعلاقات فسيدارث من اكتر الشباب اللى بيطلع عليهم اشاعات ف الحكاية دى
افتكر مرة المذيع سأله عن علاقته بأديتى راو حيدر وقال ازاى مرتبط بيها وانا
مشوفتهاش الا مرة واحدة بس وهكذا مع كذا واحدة يشوفها ويتصور
معاها ف مكان الا والاعلام يطلع يقول انه على علاقه بيها 3
لكن اللى هو اعترف بيهم كانت علاقة مع واحدة زميلته ف الدراسة واستمرت
3 سنين و بعدها كل واحد راح لحاله هو اشتغل ف عروض الازياء وهى كملت
دراسة
وبرضه اثناء فيلم Stuent Of The Year هو قال انه كان على علاقة بموديل
من جنوب افريقيا 3 وسابوا بعض برضه
وحاليا هو فاضى 3
احلى حاجة حصلتله زى ما هو بيقول لما فان من لندن كتبت نجمه باسمه ^_^
وبرضه فيه معجبة تانية بعد فيلم ستيودنت اوف ذا يير بعتتلة 44 بوكية ورد 3 ف مامتة دخلتهم الاوضة وهو نايم لما صحى اتخض ومتخيلش انة من اول فيلم هيكون لية معجبات كدة
اجره ف الفيلم من 5 ل 6 كرور
وثروته بالكامل حوالى 10 مليون دولار 3
هذا النص فقط ، يعكس وجهه نظر كاتبه . ولا يعكس وجهه نظر المدونه او مؤلفيها ، مع تحيات مدونة تقارير بوليود
تحويل كودإخفاء محول الأكواد الإبتساماتإخفاء