ايشواريا راى وشاروخان
- والحرب البارده فيما بينهم -
الجميله والملك .. مش من السهل ابداً ان ايشواريا راى تقف قدام نجم مرتين .. فمابالكم 3 مرات ..
مش عارفه مين فيهم المحظوظ بأنه يقف مع الاخر 3 مرات .. بصراحه الاتنين امنية لاى شخص فى العالم ..
كان فيلمهم الاول مع بعض هو :
#Josh
ولكن مكانوش عشاق وكانوا اخوات #توأم .. الدور كان بالنسبالى حلو اوى .. ومشاعرهم فيه بين الدفء والحنان .. كانت رائعه ...
تانى فيلم جمعهم كان اسطورة الحب الخالده
Mohabbatein - Official
لما يتجمع العبقرى ياش راج كمخرج مع ايشواريا وشاروخان .. طبيعى تبقى النتيجه .. بفخامه وعذوبه موهابتين .. رغم ان دورها مكنش كبير الا انه كان اروع اضافه للفيلم .. واعطاه رونق ملوش مثيل .. وقدموا فيه اغنيه ماتتنسيش
"" Humko Humi Se Chura Lo ""
وكانت من اروع الاغانى الرومانسيه اللى اتقدمت فى الفيلم دة
واخر لقاء بينهم كان فى الريميك :
Devdas
وطبعا مين ينسى الجميله بارو .. ومن ساعتها واجتمعت اسمائهم ديف وبارو ... بقصة حب لم تكتمل .. كان فيلم رائع واشاد النقاد بيهم جداً فمع ادائهم الراقى ولمسات مادهورى ديكشت واخراج العبقرى سانجاى ليلا بهانسالى .. اتخلد الفيلم فى دائرة افلام لا تنسي ..
الكيميا بينهم عبقريه .. ونتمنى نشوفهم مع بعض تانى .. بس فكركوا التقرير خلص .. لا .. لان علاقتهم مفضلتش حلوه مع بعض .. وانما بينهم حرب كبيره تعالوا احكيلكم عنها
كان المفروض فيلم Chalte Chalte يبقى من بطولة ايشواريا راى وشاروخان .. وكان فى الوقت دة ايشواريا مرتبطه بسلمان خان .. وراح سلمان مكان التصوير وعمل خناقه كبيره مع ايشواريا ولما اتدخل شاروخان اتشتم منهم هما الاتنين
"ماينوب المخلص الا تقطيع هدومه " وبعدها راح شاروخان طلب ابعاد ايشواريا راى من الفيلم ومثلت بدالها رانى موخيرجى
ودة كان تعليق شاروخان على سبب اقصاؤه ليها :
ان فلمي تأثر كثيراً بهذه الحادثة لم اعد مرتاحا في العمل مع ايشواريا.. كيف سأعمل معها وانا اعلم ان شخصاً مهماً في حياتها يزعجه الامر.. وحتى لو انتهى الامر بينهم .. لم اعد قادراً على العمل معها... وكمنتج للفيلم عملت الصواب.. "
ودة كان تصريح ايشواريا راى بخصوص سلمان خان بعد ما حدث
"حرصا على سلامتي، كرامتي واحترام الذات من عائلتي، أنا لن أعمل مع سلمان خان بعد الآن. حافظت على الصمت بكرامة لكنه هاجم كرامة عائلتي وانا بالترويج لشائعات غير مسؤولة، وقفت بجانبه في معاناته لإدمانه الكحول وسوء سلوكه، ولكن من جهة أخرى كنت أتلقى الإساءة والإهانة "
ومن هنا اشتعلت حرب كبيره بين الطرفين وهاجمت ايشواريا راى شاروخان فى كل الصحف الهنديه .. واللى زود الطينه بله ان كان من المقرر ان تشارك ايشواريا راى فى فيلم Veer-Zaara Official وتكون هى المحاميه .. ولكن ياش راج قرر اقصاء ايشواريا راى بسبب المشاكل وادخل بدالها رانى موخيرجى #تانى ..
وبعد كدة لما حصلت المشكله الكبيره بين شاروخان وسلمان خان فى عيد ميلاد كاترينا كيف .. سلمان قال ان شاروخان فى الحفله قال كلام وحش وطلع اشاعات على ايشواريا راى ... ولكن شاروخان نفى الكلام دة وقال انا بحترم النساء واستحاله اتكلم عنهم بشكل سئ
ولكن يُقال ان الامور هدأت بينهم فى حفل كاران جوهر الاخير واعتذرلها شاروخان .. عن كل ما حدث .. والدنيا بينهم بقت هاديه ..
ودة رأى شاروخان فى ايشواريا راى :
من المحزن أن الأمور لم تنجح في شالت شالت. ولكن صدقوني ، أنا لا احمل سوء نية تجاهها. أشعر بالفخر عندما تذهب الى لندن وفرنسا وألمانيا ، واثنين فقط من الاسماء الكبيره الناس تعترف بها هم ايشواريا راي وأميتاب باتشان. ان ايشواريا راي هى عالمنا المعاصر ، وانها لا تزال الوجهه الدولي للسينما الهندية .
هذا النص فقط ، يعكس وجهه نظر كاتبه . ولا يعكس وجهه نظر المدونه او مؤلفيها ، مع تحيات مدونة تقارير بوليود
تحويل كودإخفاء محول الأكواد الإبتساماتإخفاء