الإنفصال بين شاهيد كابور وكارينا كابور ~ تقارير بوليود وأخبار النجوم

الإنفصال بين شاهيد كابور وكارينا كابور

ده كان خبر غريب بالنسبة لبوليوود عن اتنين الناس كانت متوقعة اعلان خطوبتهم مش انفصالهم   وخصوصا بعد ما اعلنوا علاقتهم مع كاران جوهر والاعلام والناس عرفوا

غالبا معظم المعجبين كانوا مضايقين وزعلانين من الانفصال ده عشان كارينا وشاهد كانوا لايقين على بعض اووووى

وكماااان لان اسباب الانفصال ده كانت مجهولة

نبدأ من اول الحكاية بقى

صلوا ع النبى

شاهد وكارينا مكنش فى بينهم اى صداقة خاااالص الا لما اشتغلوا مع بعض ف فيلم Fida (2004 film) ونشأت بينهم علاقة صداقة عادية خااالص

طبعا الامور بينهم اخدت وقت لحد ما اتطورت ... شاهد كان لسه خارج من انفصاله عن بنت بس مش ممثلة ... وكارينا ساعدته عشان ينساها وبعدين حبوا هما بعض وارتبطوا

واتحولت الصداقة لعلاقة

حسب المصادر ان اللى بدأ العلاقة كانت كارينا ... وهى اللى انهيتها برضه ... وبعدها بدأ الاتنين يأخدوا الامور بجد

وده خلى الناس واصحابهم يستغربوا لانهم لسه صغرين هما الاتنين بس واخدين الامور جد زيادة

مين بقى اللى كان بيتفرج من بعيد لبعيد   كاريشما اخت كارينا واللى كانت معارضة للعلاقة دى ومش موافقة عليها بس كانت ساكتة ومش بتبين حاجة

لكن رأيها اتغير من بعد ما بابيتا "الست ام كارينا " وافقت ع العلاقة دى ورحبت بيها   وده ف الاول بس هى هتعترض بعدين

بدأت كارينا تغير من شخصيتها واسلوب حياتها عشان تناسب شاهد وتبقى زيه ... بقت نباتية زيه وبدأت تأمن بمعتقداته وافكاره .. وبدأت تقول لاصحابها القريبين منها ان هى وشاهد هيتخطبوا ويتجوزوا

حلوو كدا   لاا مش حلو

هى كانت متنيلة ع عينها وبتحبه ومش بتقوله على اى حاجة لاء وهو كان حسب ما يقال يعنى انه مش عايزاها تمثل مع بعض من اصدقاءها زى فاردين خان وتوشار كابور وفيفيك اوبيروى وهى كانت بتقول حاضر عشان يتجوزوا

بدأ فترة ف حياة شاهد يبقى مفيهاش شغل ليه وهى عشان تقعد وتساعده ف الفترة دى هى كمان رفضت ادوار مهمة وبدأت تطلب من المنتجين انهم يوقعوا مع شاهد يكون هو البطل ف الافلام اللى بيعرضوها عليها والمنتجين مش بيرضوا

بدأ الامر يضايق بابيتا ام كارينا ان بنتها كل ما يتعرض عليها فيلم تقترح ع المنتجين انهم يوقعوا معاه الفيلم   وخافت ان ده يدمر مستقبل بنتها الفنى خصوصا انها كانت انجح منه ف الفترة دى
وبدأت تتدخل وتنصح كارينا انها تخرج من العلاقة دى لانها بتخسرها كتير وكمان مصيرها محتوم

بس امها مش السبب الرئيسى للانفصال

المهم جه شاهد عمل فيلم Marriage Vivah مع امريتا راو والفيلم نجح نجاح ساحق وكان تقريا وش الخير ع شاهد

المهم ان كارينا غارت من امريتا وزاد الشك عندها بس الشك زاد اوووى لما راحت امريتا اشترت بيت جمب بيت شاهد 3

طالبته كارينا انهم يتجوزوا بس هو قال انهم لسه مش مؤهلين لده وهى اعتبرت ده تهرب وانه اول ما نجح هيبعد عنها

كارينا خرجت عن صمتها وقالت ف الاعلام انها خلاص مش هتعانى ف صمت تانى

طلعت اشاعات ان هو بيزعقلها وانه مش بيسيب فرصه الا لما يبوخها ادام الناس وحاجات من دى بس كلها كانت اشاعات او بمعنى اصح محدش اكدها

خلصوا تصوير فيلم Jab We Met وكان كل حاجة ما بينهم تقريبا منتهية
انفصلوا بهدوء ومن غير شوشرة

شاهد كان مسافر كندا عشان فيلمه Kismat Konnection وهى كانت بتصور ف فيلم Tashan مع اكشاى وسيف على خان اللى كان بيحبها ف السر وحاول يتقرب ليها اثناء التصوير وفعلا تقريبا حبوا بعض

شاهد لما عرف ان هى علاقة بسيف من الاعلام قال ان بيتمنالها كل السعادة

وفضلت هى على علاقة بسيف بتاع 3 سنين وبعد كده اتجوزوا

وهو كمان عمل افلام كتير حلوة جدا من بعد ما سابوا بعض

وفضلوا متجنبين بعض لفترة حلوة كده   بس هو قال ان معندوش مانع انه يشتغل معاها

السنادى ف حفلة ال IIFA كارينا قالت له "هاى " واثنت على شغله وافلامه الاخيرة وسيف كمان

ويارب يمثلوا مع بعض اى حاجة تانى ولو انى اشك