هنتكلم عن اتنين خناقتهم غريبة شوية وانا هتنقط منها لحد دلوقتى سونام ورانبير
من صداقة قوية لعداوة شديدة
فى البداية كانوا هما اصدقاء من الطفولة وكانوا صحاب جدا
خصوصا كمان انها بنت النجم انيل كابور
وهو ابن ريشى كابور
وطبعا الاتنين ممثلين كبار واكيد ابنائهم عارفين بعض
كملوا صداقتهم لحد ما بقوا كبار وكل واحد منهم شحط زى ما احنا شايفين
وبدءوا اول فيلم ليهم وكانوا مع بعض كان فيلم Saawariya ودى كانت بدايتهم وكان فيلم معمول بمساندة من سلمان ورانى
ولكن الفيلم فشل فى شباك التذاكر
بس طبعا رانبير كسب جايزة افضل وجه جديد
اما سونام اترشحتلها بس مفازتش بيها لوجود الحاجة ديبيكا عن دورها فى Om Shanti Om(film)
بس طبعا النقاد اثنوا عليها كتير واشادوا برانبير اكتر
وكتير اتكلموا عن الكيميا اللى بينهم
وطبعا تقارير اعلام عن ارتباطهم ولكنهم كانوا بينكروا العلاقة
وبيقولوا انهم اصدقاء طفولة مش اكتر
وانا ارجح كدة برضه
المهم بعد كدة تنزل اخبار انه بتغير من ديبيكا عشان ارتبطت برانبير
ويبتدى الموضوع يتوتر شوية
لحد اما جت القشة التى قسمت ظهر البعير (محدش يسالنى ايه معنى الكلام دة لانى مش فاهمه هههههههههههههههههه )
رانبير وعمران كانوا ضيوف كاران جوهر فى برنامج Koffee with Karan
ولما سألوا رانبير عن الجاذبية الجنسية حول سونام فهو رد وهو بيهزر
وقال انا مش شايف فيها اى نوع من انواع الجاذبية ابدا ومش شايفها جميلة عشان كل دة
بس طبعا رانبير كان بيهزر
طبعا سونام اتنرفزت وردت لما سالوها عن رانبير وردت بــ :-
انها مش شايفة رانبير ممثل وانه لا يجيد اى فن من الفنون اللى تأهله للتمثيل وقالت عن انه مش وسيم وان تسريحة شعره سخيفة جدا
ونزلت باكثر من تصريح بالكلام دة !
طبعا رانبير اتضايق ومرضاش يرد عليها
ريشى طلب من انيل انه يخلى سونام تبطل التصريحات دى
وفعلا سونام وقفت التصريحات دى
وبعد كدة انقطعت علاقتهم ببعض تماما
الاختصار هى انها صداقة من الطفولة ونهوها زى الاطفال !
هذا النص فقط ، يعكس وجهه نظر كاتبه . ولا يعكس وجهه نظر المدونه او مؤلفيها ، مع تحيات مدونة تقارير بوليود
تحويل كودإخفاء محول الأكواد الإبتساماتإخفاء