العلاقة بين ابهيشك باتشان ابن الكبير اووووى ورانى موخيرجى وبرضه مش قليلة دى عليتها كلها ما شاء الله كلهم ممثلين ومخرجين وعيلة كبيرة برضه
المهم رانى وابهيشك عرفوا بعض بعد فيلم Yuva (2004 film) والناس وقتها اشادوا بالكيميا الحلوووة جدا اللى بين ابهيشيك ورانى وانهم كانوا احلى ثنائى ف الفيلم اكتر من فيفيك وكارينا واجاى وايشا ديول و اشاعوا انهم مرتبطين بس هما الاتنين كانوا بينكروا
قبل رانى ... كان ابهيشيك خطب كاريشما كابور ف شهر اكتوبر 2002 ف عيد ميلاد اميتاب باتشن ال 60 بس الخطوبة اتفسخت ف ينابر 2003 هبقى احكيلكوا بعدين
المهم عملوا بعدها Bunty Aur Babli بعدها بسنة والفيلم نجح وبرضه الكميا ما بينهم شدت انتباه الناس والنقاد والاشاعات عند الناس بقت حقيقة
بس برضه الاتنين ساكتين و بينكروا كل حاجة
وزى ما نيتو سينغ "الست ام رانبير" رفضت علاقة دبيكا برانبير عشان مش من مستواه .... جت الست جايا باتشن "ام ابهيشيك وزوجة اميتاب باتشن " و رفضت علاقة ابهيشيك برانى نهائيا بعد ما سمعت عن الاشاعات واتأكدت انها حقيقة و امرته انه يحط حد للمهزلة دى ويحط خط فاصل بينه وبين رانى
وكانت بتقول انها بتحب رانى وبتحب شغلها وانها من عيلة كويسة بس مش لدرجة انها تبقى مرات ابنى لان رانى مش حلوة وكمان عشان صوتها رانى وقتها كمان مكنتش بطلة ولا بحجمها ده دلوقتى وكمان قالت انها مش هتجوز ابنها لواحدة عملت مشهد قبلة مع اميتاب باتشن " اللى هو المفروض حماها المستقبلى ف فيلم #black
وحسب المصادر ان رانى كمان راحت منشفة دماغها و قالت يا علاقة رسمية يا اما خلاص
وطبعا بما ان ابهيشيك الاعلام كان بيقول عنه زى رانبير "Mumma's boy "
ساب رانى وقطع علاقته بيها تماما
بس مش دى بس كانت اسباب الانفصال ده ...... السبب الاساسى كان الاختلاف يعنى مثلا رانى بيتحب تاكل اللى هو الجول جابا "اللى هى الحلويات المشطشطة دى " لكن ابهيشيك بيحب ياكل الاكل الايطالى ف مطعم خمس نجوم كانت ده مثل لمدى الاختلاف بينهم
الحاجات المشتركة كانت قليلة اوووى فسابوا بعض
وكده بقى طريق ابهيشك فاضى لحد ما جت ايشواريا هانم بعد ما سلمان فرقعها وسابها ... ومش بس سلمان ... ده سلمان وشاروخان الاتنين كانوا معادينها ومش بيرضوا يمثلوا معاها ...وبعد ما هى فرقعت فيفيك اوبيروى خلااص .... كانت لازم تلاقى حد يسندها ف مسيرتها الفنية بعد ما الخانات الاتنين عادوها فلاقت مين ..... مكنش فى قصادها الا ابهيشيك باتشن "ابن الكبير اوووووووى " .... وقعته ف حبها واتجوزته واهله وافقه وده لانها ملكة جمال العالم وهى بجوازها منه اتثبتت ف بوليود
بس فضل بين ايشواريا ورانى عداوة او حرب باردة بينهم وبين بعض .... وده كان عشان شاروخان استبدل ايشواريا من كل مشاريعة اللى كانت معاها برانى ايشواريا كانت واخدة دور رانى ف فيلم Chalte Chalte و Veer-Zaara Official بس طبعا بعد خناقته مع ايشواريا استبدلها برانى وفضلت ايشواريا شايلهالها وكمان رانى كانت متحبهاش و بتتحنبها بعد ما اتجوزت حبيبها و كمان متعزمتش ف الفرح
وراحت رانى مصرحه ف الاعلام ان طالما شخص مبعتلكش دعوة ف فرحة فدى رسالة انه يعرفك مكانتك عنده
وبدأوا يتجنبوا بعض
وبعد كده ف حفلة عيد ميلاد سنجاى ليلا بنسالى الخمسين واللى بيعتبروها متقلش قيمتها عن حفلات التكريم ... كل واحد وواحدة بيلبسوا اللى ع الحبل وايشواريا و ابهيشك راحوا ... بس رانى مراحتش 3:) الناس كلها لاحظت غياب رانى عن الحفلة واللى كان سببه بوضوح ان ايشواريا وابهيشك اتعزموا وهى مش عايزة تشوفهم
و ايشواريا وابهيشيك خلفوا ورانى لعت عليها اشاعات مع المخرج والمنتج اديتيا شوبرا
واتجوزته هى كمان فى ايطاليا السنادى 2014 و بسم الله ما شاء الله تخنت شوية كتير وبتخسهم تانى دلوقتى
هذا النص فقط ، يعكس وجهه نظر كاتبه . ولا يعكس وجهه نظر المدونه او مؤلفيها ، مع تحيات مدونة تقارير بوليود
تحويل كودإخفاء محول الأكواد الإبتساماتإخفاء