علاقات وخلافات كارينا كابور وبريانكا تشوبرا ~ تقارير بوليود وأخبار النجوم

دلوقتى بقى هنتكلم عن مشكلة كارينا وبريانكا

كارينا اساسا عاملة خناقات ومشاكل مع طوب الارض

لكن اعلاميا كانت مشكلتها مع بريانكا الاشهر والاكبر

بدايته علاقة الاتنين كانت مع فيلم Aitraaz مع اكشاى كومار   والفيلم

نجح جدا وهما كمان بقوا ممثلات من التقال

وكانوا اصحاب وكويسين وسمن على عسل

لحد ما بدأت المصالح تتعارض اتنين ممثلات تقال وناجحين مع بعض زى

البنزين جنب النار بالظبط

المشاكل ابتدت بعد فيلم Don كانت كارينا عاملة اغنية بس ف الفيلم وكانت بريانكا البطلة

وطلعت كارينا قالت مع كاران جوهر انها بتتعجب من لهجة بريانكا واكتسبتها منين يعنى كنوع من الاهانة لبريانكا

وطبعا بريانكا تسكت ابداااااا راحت قالتلها اكتسبت لهجتى من نفس المكان اللى اكتسبها منه صاحبك "سيف على خان "

ولما بريانكا كانت برضه مع كاران وسألها اذا قدرت تسرق كومبيوتر شخصى هتاخد بتاع شاروخان ولا شاهد ولا كارينا ..

قالتله مش لما يبقى كارينا عندها كومبيوتر اصلا

والعداوة بقت ف العلن وعلى عينك يا تاجر   ومبقاش الكلام من تحت الحزام خااالص

والناس بدأت تقول انهم بيتبعوا خُطى شاروخان وسلمان

وراحت كارينا تقول ان مفيش حد من بنات جيلها ينفع منافس ليها غير رانى موخيرجى بس وبريانكا اعتبرت دى اهانة بالنسبالها

وبريانكا راحت قايلة ان كارينا اكبر منها ف الموهبة وانها مؤهلة انها تتنتقدها و تعلق على شغلها و ادوارها و اشادت كمان باداء كارينا ف جاب وى ميت :D

ولما حصل انفصال كمان بين كارينا وشاهد وبعد كده الصحافة والاعلام اجمع ان ف علاقة ما بين شاهد وبريانكا وانهم مرتبطين رغم انكاره شاهد الشديد لده الا ان بريانكا مكنتش بتعلق عشان تغيط كارينا :D

وفى ناس ف الاعلام كمان كانوا بيقولوا ان كارينا وبريانكا كانوا اصحاب لان كارينا كانت متأكده ان بريانكا متقدرش تنافسها و انها اتصدمت لما بريانكا بقت نجمة زيها وتقدر تنافسها وانها من وقتها وكارينا بعدت عن بريانكا خالص :D :D

ان يكون مش بينهم صداقة ده عادى يمكن بيغيروا من بعض لكن تبقى عداوة وكمان من غير اسباب واضحة :/

ف 2011 لما ايشواريا اعتذرت عن فيلم Heroine عشان حملها بريانكا وكارينا الاتنين حاربوا عشان الفيلم ده لكن كارينا اللى كسبت واخدت الفيلم :D

وبعد كده بدأت بريانكا تتجنب كل الادوار اللى ممكن تتعرض عليها مع سيف رغم انها ادوار كويسة بس بترفضها بس لانها مع سيف وان هى مش عايزة مشاكل وكفاية المشاحنات اللى حصلت بينها وبين كارينا بعد Barfi! و GundayTheFilm :D :D

واللى استفادت كانت دبيكا لانها خدت Cocktail (2012 film) و Race 2 :D :D

وغالبا دبيكا هى اللى بتاخد معظم الادوار اللى بيرفضها كارينا او بريانكا :D :D

لكن مؤخرا كان فيه انباء انهم اتصالحوا مع بعض خصوصا لما كارينا كانت بتصور اعلان جنب مكان تصوير فيلم مارى كوم بتاع بريانكا وكارينا راحتلها وسلمت عليها واتكلموا سوه :D :D

و الانباء بتقول انهم اتصالحوا :D :D