انوشكا شارما وشاروخان
انوشكا شارما .. اخر طفلة تبناها ياش شوبرا .. اتفتحت لها ابواب السعاده على مصراعيها عندما تم اختيارها كبطلة لاحد افلام ياش تشوبرا .. وقدام مين .. قدام الكينج !!!
مفيش بنت ممكن تبقى محظوظه اكتر من كدة .. فأنوشكا حققت المعادله الصعبه .. والناجحه .. ياش راج وشاروخان .. معادله مضمونه 100%
قدمت انوشكا مع الكينج فيلمين من اروع الافلام اللى ممكن تشوفوها فى حياتكم ... الفيلم الاول كان :
Rab Ne Bana Di Jodi
من انتاج ياش تشوبرا .. وكانت انوشكا شارما هى وجه جديد على الساحه الفنيه .. ولكن بذكاء ونعومه .. قدرت تثبت وجودها وتشكل مع شاروخان ثنائى من اروع الثنائيات اللى ممكن تقابلهم فى حياتك ...
وبعد النجاح الساحق لراب نى بانادى جودى قرر ياش راج انه يضمها فى قبلته الاخيره لبوليوود .. واخر اخراج له .. بردو مع الكينج شاروخان وكان فيلم
Jab Tak Hai Jaan
يمكن مكانتش بطلة الفيلم .. بس اخدت اشاده اكبر بكتير من البطله ... ودورها كان لمسه الجمال وخفة الظل فى الفيلم ... ويُقال ان ياش راج اضافها عشان لها لمسه سحريه هى اللى هتكمل الفيلم .. وقد كان .. ونالت انوشكا جائزه افضل دور مساعد فى 2012 عن جاب تاك هاي جان
ولما سُئل الكينج عن طفلته بعد فيلمهم الاول قال :
" لقد ساعدتنى انوشكا كثيرا فى هذا الفيلم و كان على ان اتعامل مع تلك الفتاة الصغيرة المختلفة حديثة العهد بالعمل . و من هنا يمكننى القول كممثل انها اسعدتنى كثيرا و قدمت عملا رائعا . اننى اشعر انى مسؤل عنها و عن عملها الفنى لانها بدأته معى , و اتمنى لها دائما ان تقدم اعمالا رائعة. انها جعلتنى دائما اقف على اطراف اصابعى ليس فقط لانها حديثة العهد بالعمل و جديدة و لكن ايضا لانها اطول منى فى القامة . اننى ادعو لها من اعماق قلبى و اتمنى لها ان يحقق لها هدا الفيلم النجاح الكبير لانها تعمل فيه بجد و مجهود كبيرين . "
وكان رأى انوشكا فى شاروخان هو :
"شيء واحد لااستطيع ان انساه في شاروخ , أنها رائحته انها رائعة و هو يضع عطرا مختلفا كل مرة . اذا كنت تعتقد أنك تعرفه فانسى ذلك فهو يجعلك في حالة تخمين دائمة عن شخصيته, كل يوم كنت أقول , انه هكذا , لا انه هكذا , هو شخص جديد في كل يوم بالنسبة لي, انه غامض , انا لااستطيع ان افهمه , لا استطيع "
استنوا لسه فاضل شوية نميمه ... الناس بتقول ايه بقى .. بيقولوا ان شاروخان هو سبب انفصال رانفير سينغ عن انوشكا شارما .. طيب ازاى .. تعالوا احكيلكم
كان رانفير وانوشكا خارجين مع بعض ومروا من مكان فيه شاروخان بيعمل ترويج لأعلان جديد .. فأصرت انوشكا انها تنتظر لحد ما يخلص عشان تسلم عليه .. وكان الانتظار دة هيطول لاكتر من ساعه .. ولما طلب رانفير من انوشكا انهم يمشوا ومش ضرورى الانتظار قالتله انا هنتظر يومى كله عشان اسلم عليه .. راح رانفير سابها ومشى .. ومن ساعتها وهما مفركشين
طبعاً كلكم عارفين ان سبب انفصال رانفير وانوشكا غامض .. بس يُقال ان هو دة كان احد الاسباب اللى ادت لانفصالهم .. والله اعلم
هذا النص فقط ، يعكس وجهه نظر كاتبه . ولا يعكس وجهه نظر المدونه او مؤلفيها ، مع تحيات مدونة تقارير بوليود
تحويل كودإخفاء محول الأكواد الإبتساماتإخفاء